WES-KAAP. – ‘n Man (28) is Sondag in verband met die moord op ‘n seun (13) in Angelierstraat, in Railton, Swellendam, deur die eenheid vir gesinsgeweld, kinderbeskerming en seksuele misdrywe in hegtenis geneem . Die verdagte sal vandag sy eerste hofverskyning maak.
Sers. Christopher Spies, polisiewoordvoerder vir die Tuinroete, sê die polisie is omstreeks om 05:30 na die toneel ontbied. Die tienerseun is met verskeie steekwonde aan die skouer en gesig aangetref. Paramedici het die slagoffer op die toneel dood verklaar.
Die verdagte is Dinsdag, in Rekonkelstraat, in Railton, vasgetrek en bly in polisie-aanhouding.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
