GAUTENG. – ‘n Verkeersbeampte (31) gaan as die verdagte in ‘n korrupsiesaak in die Westonarea-landdroshof verskyn.
AO Wendy Nkabi sê die verdagte is op 6 Mei deur die Valke van die Wes-Rand in hegtenis geneem.
Die inhegtenisneming spruit uit ‘n wenk wat ontvang is oor korrupte bedrywighede deur verskeie wetstoepassingsowerhede.
‘n Geheime operasie met agente wat betaal en toeslaan is geloods. Die inhegtenisneming het op die hoek van die N12- en R28-interseksie gebeur. ‘n Agent is deur die verdagte gestop en R100 is glo vir ‘n nommerplaat wat nie aan die voorkant van die motorvoertuig aangebring is nie, geëis.
Die agent het terugvoering gegee en die verdagte saam met die Valke uitgewys.
Die verdagte verkeersbeampte het probeer om te vlug, maar is agternagesit en vasgetrek. ‘n Dagvaardiging om in die hof te verskyn, ‘n J175, is aan hom uitgereik
Die verdagte sal op 16 Januarie 2024 die eerte keer in die hof verskyn.
Bron: SAPD
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel
