GAUTENG. – ‘n Brasiliaanse vrou (44) is Donderdag vanaf Sao Paulo met kokaïen ter waarde van ongeveer R1.9 m. op OR Tambo Internasionale Lughawe onderskep.
Brig. Athlenda Mathe sê die vermeende dwelmmuil het om 13:00 uit ‘n vliegtuig gestap en is met die kokaïen, om haar lyf gedraai, onderskep. Die buitelander is op aanklag van dwelmhandel gearresteer en sal binnekort in die Kempton Park-landdroshof verskyn.
Dit is die tweede Brasiliaanse burger wat sedert Sondag met dwelms om hulle lywe op Ortia gearresteer is.
