OOS-KAAP. – Lithaliyanda Ntoni (12) van Luziphostraat, NU10, Motherwell, wat Dinsdag as vermis aangemeld is, se liggaam is vanoggend omstreeks 02:10 in bosse naby Khabonqabastraat, NU6, Motherwell, gevind. ‘n Verdagte (39) is op aanklagte van ontvoering en moord in hegtenis geneem.
Brig. Nobuntu Gantana, polisiewoordvoerder, sê in ‘n verklaring aan Nuusflits Ntoni is Dinsdagmiddag na ‘n nabygeleë winkel toe en het nie teruggekeer huis toe nie. Genl.maj. Thandiswa Kupiso, die waarnemende provinsiale polisiekommissaris, het die vinnige inhegtenisneming verwelkom, maar sê die wrede aard van Ntoni se dood het die polisie en gemeenskap diep geskok: “Ons het volle vertroue in ons ondersoekspan en die Nasionale Vervolgingsgesag om geregtigheid vir Lithaliyanda en haar familie te verseker.”
Die ondersoek duur voort.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
