Vermiste kleuter lewend in sloot gevind

MPUMALANGA. – Nkosingiphile (Ndwane) Ntiwane (3), wat op 20 Julie as vermis aangemeld is, is Vrydag omstreeks 15:00 lewend gevind. Die kleuter is ‘n paar meter van sy huis af in ‘n sloot in Mshadza Trust by Masoyi aangetref.

Brig. Donald Mdhluli, polisiewoordvoerder, sê in ‘n verklaring die kleuter is deur gemeenskapslede gevind wat met die soektog gehelp het. Die kleuter, wat swak en moontlik gedehidreer was, het mediese behandeling ontvang. Dit is nog nie duidelik hoe hy in die sloot beland het nie.