MPUMALANGA. – ‘n Vramotor het omstreeks 10:00 vanoggend (Donderdag) op die N4-ompad naby die Krokodilrivier omgeslaan en van ‘n brug afgeval.
Aangesien die pad tans gesluit is, word motoriste aangeraai om die R104 via Mbombela te gebruik.
Moeti Mmusi, die woordvoerder vir die departement van gemeenskapsveiligheid, sekuriteit en skakeling in die provinsie, sê twee insittendes is in ’n kritieke toestand na ‘n hospitaal vervoer.
Nooddienste is tans op die toneel waar daar met ‘n herwinningsproses van die vragmotor besig is. Die verkeer word na die R104 herlei.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
