Vrou probeer “vreemdeling” in gru-ongeluk help

KIMBERLEY. – Estee Huyser Neethling het Vrydagmiddag ’n man, wat in ’n gru-ongeluk betrokke was en wat sy van geen kant af ken nie, se lewe probeer red. James Spicer (39) was Vrydagmiddag omstreeks 17:00 in ’n gru-ongeluk betrokke nadat hy na bewering ’n epileptiese aanval gehad het. Die...

KIMBERLEY. – Estee Huyser Neethling het Vrydagmiddag ’n man, wat in ’n gru-ongeluk betrokke was en wat sy van geen kant af ken nie, se lewe probeer red.

James Spicer (39) was Vrydagmiddag omstreeks 17:00 in ’n gru-ongeluk betrokke nadat hy na bewering ’n epileptiese aanval gehad het. Die ongeluk het in Memorialweg, agter Choctaw Spur, plaasgevind.

So vertel Estee aan FiND iT van die gebeure wat haar lewe verander het.

Stil en rustig

“Ek het self daardie dag nie ’n lekker dag gehad nie en het skuiling by my werksplek gaan soek. Ons kantoor maak op ’n Vrydag 13:00 toe, so dit was lekker stil en rustig. Ek het buite gewag, want my vriendin was op pad na my toe. Die volgende oomblik hoor ek ’n slag en sien ’n wit ding halfpad in die lug vlieg.”

Skok

Sy sê sy was so geskok en het nie geweet wat om in daardie stadium te doen nie. “Ek het na die voertuig gehardloop, maar het so vier meter voor die voertuig gestop, omdat ek nie geweet het of dit gaan ontplof of nie. Ek het die kans gevat en tot by die voertuig gehardloop.

Byt vas

“’n Man het langs die voertuig gelê en na my gekyk. Al wat ek in daardie oomblik vir hom kon sê was om vas te byt. Hy het iets vir my probeer sê, maar ek kon nie hoor nie,” vertel sy.

Bang

Sy sê ’n onbekende man, wat sy nie geweet het van waar gekom het nie, het op sy hurke gaan sit en gevra dat sy die man, wat buite die voertuig lê, se kop vashou. “Ek het sy kop tussen my knieë vasgedruk en met my hande gestut. Ek was in daardie oomblik so bang.

Ambulansdienste

“Die onbekende man het die gewonde man toe probeer resussiteer. Die ambulansdienste het opgedaag, alhoewel ek nie regtig veel daarvan onthou nie. Paramedici het vir my gesê hulle sal nou by my oorvat, maar voor ek kon loop, het iets binne my gesê ek moet om die voertuig loop.”

Familie

Sy sê sy het ’n papier van ’n skool, met ’n kind se naam op, gesien en ’n paar mense gebel om die gewonde man se vrou op te spoor. “Voor ek die nuus aan haar wou breek, wou ek eers seker maak ek het by die regte persoon uitgekom. Ek het haar ’n paar vrae gevra en het haar toe vertel oor die ongeluk en wat gebeur het.”

Estee vertel ook hoe sy die oorledene se sussie by Lenmed-hospitaal ontmoet het en terug na die toneel saam met haar gegaan het.

Hartseer

“Ek het die man glad nie geken nie en het eers later op Facebook gesien sy naam is James Spicer. Ek wil heeltyd huil oor wat gebeur het en wens daar was meer wat ek kon doen.”

Lotto uitslae vir 20 April 2024

Groenewald en Greeff se appèl suksesvol

Omstanders gryp glo vrag van brandende vragmotor

Vier sterf in ongeluk naby Port Shepstone

Bejaarde man se liggaam by Gqeberha-gholfklub gevind

Man wat vrou vermoor, opsny en kook se parool weer geweier

Willem Botha spog met eie parfuum

Onbekende mans sterf toe vragmotor hulle voertuig tref

Mooiweer die naweek verwag

Universiteit van Fort Hare gee binnekort graad aan 19-jarige

Powerball uitslae vir 19 April 2024

Man kry lewenslange vonnis vir verkragting van meisie (12)

Boer soek ’n Vrou se PF en Chantelle verwag ’n dogtertjie

Verdagte op rooftoneel doodgeskiet

 Kyk: Jan Jan Jan en dansende Kwagga vermaak