WES-KAAP. – ‘n Vrou sal vandag in die hof voorkom nadat Kelly Smith, ma van die vermiste Joshlin Smith, se plakkershut in die Middelpos- informele nedersetting op Saldanha Vrydagaand totaal deur ‘n brand vernietig is. Smith is Vrydag aan ontvoering en mensehandel skuldig bevind. ‘n 27-jarige vrou het haarself ná die brand aan die polisie oorhandig.
Lt.kol. Malcolm Pojie sê aan Nuusflits die plaaslike brandweer is omstreeks 19:45 na die brand uitgeroep. Die vrou wat haarself aan die polisie oorgegee het, is in hegtenis geneem en sy is vir ondervraging aangehou. Sy sal vandag in die Vredenburg-landdroshof voorkom.
‘n Saak van brandstigting word deur Saldahabaai-polisie ondersoek.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
