PETRUSVILLE, NOORD-KAAP – Vuurwapens is vroeër die week by die Petrusville-polisiestasie gesteel.
Lt.kol. Tebogo Thebe van die Valke het bevestig ‘n voorval van vermiste vuurwapens word by die polisiestasie ondersoek.
“Die ondersoek is tans in sy beginstadium en geen inhegtenisnemings is tot dusver gemaak nie.”
Ian Cameron van Action SA sê volgens ‘n sosialemediaplasing was lede wat aan diens was vas aan die slaap. Na bewering is die wapenkluis die volgende oggend glo oop gevind. Twee haelgewere, ‘n R5-geweer en ‘n Z88-pistool is glo gesteel. In die plasing word te kenne gegee alle ammunisie en die kluissleutels is ook vermis.
Kry jou nuutste nuus elke oggend per e-pos. Teken hier aan:
