KWAZULU-NATAL. – ‘n Beseerde blou-aap is Maandag deur ‘n weldoener in Belvedere gered toe dit boonop deur honde aangeval is.
Reaction Unit South Africa sê die operasionele sentrum het ‘n oproep vir hulp van ‘n persoon gekry wat die apie se traumatiese ondervindinge aanskou het. Die weldoener het aan reaksiebeamptes vertel die apie is deur ‘n blou Renault raakgekry, waarna dit deur honde, beskryf as pitbulls, aangeval is.
Rusa sê die weldoener kon die aanval stop, waarna die honde gevlug het.
Die apie is na die Rusa-hoofkwartier geneem en aan vrywilligers van Monkey Helpline oorhandig.
Foto: Reaction Unit South Africa
