GAUTENG. – ‘n Meisie in gr. 1 in die Laerskool Mandlethu in Tsakane, Brakpan, het gister gesterf nadat sy glo koekies van ‘n plaaslike spazawinkel geeët het.
Volgens Steve Mabona van die Gauteng-onderwysdepartement het die meisie net voor pouse, wat om 11:00 sou wees, siek geraak. Sy het minute later glo opgegooi. Haar ouers en nooddienste is gekontak.
Sy is deur paramedici by die skool dood verklaar.
Volgens inligting tot die onderwysdepartement se beskikking het die oorledene koekies wat by ‘n spazawinkel, deur buitelandse burgers bedryf, gekoop en geëet.
Mabona sê die polisie se ondersoek is aan die gang.
Sielkundiges van die departement sal vandag die skool besoek om berading te gee.
“We are deeply saddened by this unfortunate incident. We plead with parents to be vigilant concerning the edible goods that their children consume. We call upon law enforcement agencies and municipalities to be more stringent on compliance matters related to spaza shop products. Indeed, we wish to extend our sincerest condolences to the family and the school community at large,” sê Matome Chiloane, die LUR vir onderwys in Gauteng.
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus.
