UMHLANGA, KZN. – Een persoon is dood en ses beseer in ‘n ongeluk vanoggend omstreeks 7:30 op die M41 naby Umhlanga.
Volgens ALS Paramedical Services het die ongeluk op die M41 voor die M4-Suid-afrit plaasgevind. Met hulle aankoms op die toneel het hulle ’n voertuig aangetref wat verskeie kere gerol en op sy wiele te lande gekom het.
Ses van die sewe insittendes het geringe tot ernstige beserings opgedoen en is na ’n hospitaal vervoer. Die sewende persoon is kritiek beseer en is op die toneel dood verklaar.
Die oorsaak van die ongeluk word ondersoek.
Bronne: ALS Paramedics Medical Services, Facebook
