OOS-KAAP. – Amamkele Lishushu Mpetha (22 mnde. oud) oor wie se verdwyning die polisie aanvanklik hulp gevra het nadat hy Maandag vermis geraak het, het tragies geëindig toe sy liggaam vandag (Donderdagoggend) gekry is.
Kapt. Welile Matyolo sê die baba se liggaam is vanoggend omstreeks 08:20, toe die soektog na hom hervat is, deur die Mthatha K9-eenheid in ‘n nabygeleë rivier in Ngqeleni gekry. Hy is positief deur sy familie uitgeken.
Die polisie het aanvanklik gemeenskapshulp in die soektog na die baba gevra. Hy was in die sorg van sy ouma toe hy weggeraak het. Sy en die bure het sonder sukses na hom gesoek, waarna hy as vermis aangemeld is.
