NIEU-SEELAND. – ’n Aardbewing van 6.7 op die Richterskaal het vandag in die omgewing van Nieu-Seeland se Suideiland in die see voorgekom.
Lees ook: Publiek gewaarsku oor donderstorms en erge wind vandag
Kommer bestaan oor ’n moontlike tsoenami en inwoners van Southland en Fiordland is gewaarsku om die strande te vermy.
Die aardbewing het met ’n diepte van 33 km sowat 160 km van die Snares-eilande af getref. Trillings kon deur duisende mense op land in die omgewing van die Suideiland gevoel word.
Tot sover is geen amptelike waarskuwing oor ’n tsoenami uitgereik nie, maar die nasionale noodbestuuragentskap het mense gewaarsku om gebiede te ontruim waar die trillings vir langer as ’n minuut aangehou het of waar dit sterk genoeg gevoel was dat hulle nie kon staan nie.
Bronne: Daily Mail, NZ Herald, TimesLIVE
Lees ook: Publiek gewaarsku oor donderstorms en erge wind vandag
