Een van die gewildste paartjies in die Suid-Afrikaanse vermaaklikheidsbedryf, Bouwer Bosch en Leandie du Randt, het Vrydag aangekondig dat hulle gaan skei.
Bouwer en Du Randt het albei ‘n verklaring op Instagram gedeel waarin hulle sê dat hulle beter vriende as huweliksmaats is. Hulle het dit ook duidelik gemaak dat hulle nie met die media gaan gesels oor die sensitiewe saak nie.
Die paartjie the in November 2015 in die Snowflake-gebou in Potchefstroom getrou, nadat hulle net minder as ‘n jaar tevore verloof geraak het.
Die paartjie het gereeld saam gewerk en was onder meer saam in die flieks Vuil Wasgoed en Thys en Trix te sien. Bouwer het bekendheid verwerf as hoofsanger van die Afrikaanse rockgroep, Straatligkinders, terwyl Leandie naam gemaak het as Ivanka Gouws in Binnelanders.
