Vir sommige diereliefhebbers mag dié gedrag by hulle vierpootdiere dalk snaaks wees, maar dit is geen grap nie!
Die eerste teken van siekte by diere is abnormale gedrag. Lusteloosheid, swakheid, of persoonlikheidsveranderinge kan dui iets is verkeerd voor ander simptome begin toon.
Een van die tekens van hierdie abnormale gedrag is “kop druk” of head pressing. Dit verwys na ‘n aangetaste dier wat in ‘n hoek, teen ‘n muur of voorwerpe gaan staan en sy kop laat hang en fisies daarteen druk, sonder om te beweeg.
Volgens ‘n veearts in Kimberley kan dit daarop dui dat iets verkeerd is met die senuweestelsel. Dit kan ‘n spesifieke senuweestelsel-siekte, of ‘n bestaande toestand wees, wat gevorder het tot neurologiese betrokkenheid (versteuring). Dit kan ook veroorsaak word deur die inneem van verkeerde gifstowwe.
Hierdie toestand is in troeteldiere soos honde en katte, en ook ander diere soos koeie, perde, en bokke gesien.
Kop-druk is nie ‘n toestand wat vanself regkom nie en dis noodsaaklik dat jy jou dier na ‘n veearts neem.
