KZN. – Drie verdagtes wat vir moordsake gesoek is, is vanoggend in die vroeë ure tydens ‘n skietery met die polisie in die Empangeni-area doodgeskiet.
Kol. Robert Netshiunda sê die verdagtes is vir ten minste 10 moordsake gesoek. Inligting is ontvang van die verdagtes wat in ‘n huis in KwaDlangezwa wegkruip.
“Toe die polisie hul teenwoordigheid bekend maak, het die verdagtes op hulle losgebrand en ‘n skietgeveg het ontstaan, wat met die drie noodlottig gewonde verdagtes geëindig het.”
Netshiunda sê die verdagtes was na bewering ook betrokke by ‘n OTM wat Donderdag in Esikhaleni opgeblaas, waar nog ‘n verdagte doodgeskiet is.
“Die verdagtes is in besit van minstens twee vuurwapens gevind. Die misdaadtoneel moes nog behoorlik deursoek word vir nog bewysstukke.”
Lt.genl. Nhlanhla Mkhwanazi sê: “Polisiebeamptes het ‘n mandaat om oortreders in hegtenis te neem en voor die gereg te bring, maar as die polisie hulself onder geweervuur bevind, is die enigste opsie wat hulle het om lewendig uit te kom, deur terug te skiet.”
Foto: SAPD
