INTERNASIONAAL. – Die gevegte tussen Thailand en Kambodja naby die grens tussen die lande duur steeds voort.
Lees ook: Dodetal styg in Thailand-Kambodja-gevegte
Minstens 19 mense, insluitend soldate en burgers, is in die vegtery oorlede terwyl duisende mense in beide lande moes ontruim.
Die Amerikaanse president, Donald Trump, het gesê hy gaan met die lande skakel, want hy glo hy kan die konflik tussen die lande beëindig.
Trump het in Julie ‘n vegtery tussen die lande gestop nadat hy albei lande se leiers gedreig het met die stop van handelsamesprekings tensy die konflik ophou.
Thailand het gesê die twee lande moet die saak oplos.
Thailand en Kambodja het mekaar blameer vir die konflik wat hierdie week by die grens begin het.
Bronne: DW – South Africa, US News, CNBCTV18
