AUSTRALIË. – Nuwe navorsing toon meer as 60% van minderjarige Australiërs gebruik steeds sosiale media, ondanks die land se verbod wat vier maande gelede ingestel is.
Volgens beriggewing deur Sky News, het die eerste groot studie van sy soort sedert die inwerkingtreding van die verbod bevind kinders tussen 12 en 15 jaar het steeds toegang tot beperkte platforms. Die opname is uitgevoer deur The Molly Rose Foundation, ’n organisasie wat fokus op die voorkoming van aanlyn skade.
Die navorsing toon dat drie uit vyf kinders wat voor Desember rekeninge op platforms soos TikTok, Instagram en YouTube gehad het, steeds toegang tot een of meer van dié rekeninge het.
Navorsers het ook bevind dat die meerderheid van hierdie jong gebruikers meen platforms tree nie op om hulle te beskerm nie. Twee derdes van voortgesette YouTube-gebruikers, 61% van Snapchat-gebruikers, en sowat 60% van beide Instagram– en TikTok-gebruikers het aangedui dat daar “geen optrede” was om hul bestaande rekeninge te verwyder of te deaktiveer nie.
Die bevindinge plaas die doeltreffendheid van Australië se streng nuwe regulasies onder die vergrootglas, en laat vrae ontstaan oor hoe effektief tegnologiemaatskappye kinders se toegang tot hul platforms beheer.
Bronne: Sky News, Engadget
Nuusflits het voorheen so oor die verbod berig:
