Lees ook: Maddie McCann-hoofverdagte op pad hof toe vir onverwante verkragtingsaak
VSA. – Die ondersoekers in die moord op die kinderskoonheidskoningin JonBenét Ramsey (6) is hoopvol dat die saak binnekort na 28 jaar opgelos kan word. Belangstelling in die saak is opnuut aangevuur deur die Netflix-dokumentêr Cold Case: Who Killed JonBenét Ramsey.
JonBenét Ramsey se ouers het op 26 Desember 1996 ontdek dat sy vermis is. ‘n Losprysnota is in hulle huis in Boulder, Colorado gelos en daar is geglo sy is ontvoer. Haar liggaam is egter ure later deur haar pa in die kelder van hulle huis ontdek met ‘n garrot (ysterhalskraag) om haar nek, ‘n gekraakte skedel en tekens van seksuele aanranding.
Die ondersoekers in die saak het gesê hulle hoop om die saak in 2025 op te los met nuwe genetiese tegnologie om die DNS wat aan haar onderklere gevind is aan ‘n verdagte te verbind. Haar ouers is in 2009 as verdagtes vrygespreek.
Bronne: The Independent, ABC News, CNN
Lees ook: Maddie McCann-hoofverdagte op pad hof toe vir onverwante verkragtingsaak
