Die departement van energie het Maandagoggend bekend gemaak dat petrol van alle grade en diesel op Woensdag 6 Maart sal styg. Petrol sal 74c per liter styg terwyl diesel met 91c per liter meer sal kos. Diesel met swaelinhoud sal dus 93c per liter styg.
Dit beteken dat iemand wat twee keer ‘n maand ‘n tenk van 45 liter volmaak, sal in Maart nagenoeg R67 meer aan petrol of R84 meer aan diesel bestee as in Februarie.
Indien die rand nie effens sterker was die afgelope maand nie, sou die stygings erger gewees het. Die rand was gemiddeld R13,80 teenoor die dollar, teenoor die vorige maand se R13,95.
As die rand onveranderd was, sou brandstof met nog 9c per liter duurder geword het, wat die styging in die dieselprys tot meer as R1 per liter sou opdruk.
Die enigste rede vir die styging is dus die skerp styging in die wêreldwye brandstofpryse die afgelope maand.
