GAUTENG. – Die saak teen ’n ma wat in ’n opspraakwekkende video gesien word terwyl sy glo saam met haar seun (4) ’n onbekende middel rook, asook haar drie mede-beskuldigdes, is Maandag tot 7 Augustus uitgestel sodat die beskuldigdes se alternatiewe woonadresse geverifieer kan word. Die verdagtes is deur Johannesburg-metropolisie (JMPD) vasgetrek nadat die video op 29 Julie versprei is.
Phindi Mjonondwane, NVG-woordvoerder, sê in ‘n verklaring die ondersoekbeamtpe het aangedui dat die verskafde adresse nie tydens ‘n onlangse besoek toeganklik was nie. In die video word die kleuter glo gesien terwyl hy ’n middel in ’n pyp vir sy ma aansteek. Sy ma moedig die kleuter in die teenwoordigheid van die ander beskuldigdes aan om ook te rook. Die kleuter is in ‘n plek van veiligheid geplaas.
Die beskuldigdes staan tereg op aanklagte van kindermishandeling en poging tot moord.
