Twee seuns, Dawie Haasbroek (21) en Wiehann Kruger (19), van Hartswater, word sedert Vrydagaand vermis.
Pierre Kruger, Wiehann se pa, het aan FiND iT bevestig dat die twee seuns laas saam gesien is. “Hy het vir ’n vriend gaan kuier. Ek is nie seker wat Dawie laaste aangehad het nie, maar my seun sou sekerlik plakkies met ’n kortbroek aangehad het, want hy dra nooit langbroeke nie.”
Schweizer-Reneke of Christiana
“Volgens Whatsapp was Wiehann 00:30 en Dawie 02:58 vanoggend laas online. Hulle fone is nou af. Ek het met iemand by die Bostons- restaurant in Jan Kempdorp gepraat en volgens hom was die twee seuns daar gisteraand, maar het weer rondom 10:00 gery. Hy het wel gesê dat hy die seuns hoor sê het dat hulle na vriende toe gaan in Schweizer-Reneke. ’n Vriendin van Wiehann, wat toe by ’n fees in Christiana was, het gesê hulle was op pad soontoe en “was nie meer ver nie,” so ons weet nie rêrig waarnatoe hulle op pad was nie,” verduidelik Kruger.
Laas gesien …
Maralize van Winsen, van ’n buurtwag op Hartswater, sê die seuns is laas gesien in ’ n wit Isuzu Fleetside-bakkie.
“Die registrasienommer van die bakkie is BGT 192 NC.”
Enigiemand met inligting kan vir Rohan Vorster by 0825794203 bel.
