KWAZULU-NATAL. – Bonginkosi Khanyile is Vrydag deur die Valke op aanklagte van die oortreding van die wet op oproerige samekomste en sameswering om openbare geweld te pleeg, in hegtenis geneem.
Kol. Katlego Mogale, woordvoerder vir die Valke, sê die arrestasie volg op openbare geweld gedurende Maart vanjaar in Johannesburg.
Na bewering het Khanyile in ‘n aankondiging ‘n openbare oproep vir protesaksie en gewelddadige dade gedoen, sou die politieke party van keuse nie op ‘n stembrief verskyn nie.
“Die aankondiging het ook konnotasies gehad dat landsburgers bymekaar moet kom om die land soos in Julie 2021 te plunder.”
Mogale sê ‘n kriminele saak is by die Brixton-polisiestasie geopen en Khanyile is is by die Durban-landdroshof waar hy vir die gebeure van Julie 2021 verskyn het, in hegtenis geneem.
“Hy is op borgtog vrygelaat en sal weer vir albei sake op 23 September 2024 in dieselfde hof verskyn.”
