GAUTENG. – Nosiviwe Mapisa-Nqakula, die voormalige speaker van die NV, se aansoek om inligting van afdeling C van die saakdossier teen haar te bekom, is deur die Pretoria-hooggeregshof geweier.
Henry Mamothame, woordvoerder van die NVG se Ondersoekdirektoraat teen Korrupsie (IDAC), sê die saak is tot 9 Mei uitgestel sodat ‘n vorderingsverslag van IDAC oor Mapisa-Nqakula se vertoë wat aan die kantoor van die Nasionale Direkteur van Openbare Vervolging gerig is. Mapisa-Nqakula staan op 12 aanklagte van korrupsie en geldwassery tereg. Sy word beskuldig daarvan dat sy R4,5 miljoen aangevra en ontvang het, met R2,1 miljoen wat na bewering as kontant van ‘n diensverskaffer ontvang is.
Mapisa-Nqakula se borgtog van R50 000 is tot die volgende hofverskyning verleng.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
