MPUMALANGA. – Freddy George Willis (80) is op 27 April doodgeskiet, waarna drie van sy familielede as verdagtes op aanklagte vir sy moord in hegtenis geneem is. Nomvula Lucy Willis (75), die vermoorde se vrou, het op 6 Mei inmekaargestort en is in ‘n hospitaal opgeneem. Sy kon nie op 9 Mei saam met die ander beskuldigdes in die Nkomazi-landdroshof vir die Schoemansdal-moordsaak verskyn nie.
Lt.kol. Jabu Ndubane sê George Kenedy Willis (55), die oorledene se seun, en Kenny Rudolph Willis (29), die oorledene se kleinseun en eersgenoemde se seun, het wel op 9 Mei in die hof verskyn, waarna die saak tot Dinsdag 13 Mei uitgestel is. Die beskuldigdes se aansoek om borgtog sal dan verder aangehoor word. Die drie verdagtes bly in aanhouding.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
