WES-KAAP. – ‘n Verdagte (34) is Woensdag op aanklag van gewapende roof en aanranding met die opset om ernstig te beseer in hegtenis geneem. Dit volg nadat ‘n e-hailing-bestuurder Dinsdag in Brackenfell met ‘n skerp voorwerp gesteek en beroof is. ‘n Video-opname van die misdaad is op sosiale media gedeel.
Sers. Wesley Twigg, polisiewoordvoerder, sê aan Nuusflits ‘n tweede verdagte is nog op vrye voet, maar alle leidrade word opgevolg om hom ook aan te keer. Enigiemand met relevante inligting word gevra om na vore te kom.
