GASA. – Hamas het gister nog vier liggame van gestorwe gyselaars aan Israel vrygestel en sal na verwagting vandag nog vier liggame oorhandig.
Lees ook: Lewende gyselaars almal vry en terug in Israel
Al 20 lewende gyselaars is Maandag aan Israel geruil vir 1 700 Palestynse gevangenes wat sonder aanklag aangehou is en 250 gevangenes wat lewenslange vonnisse moes uitdien.
Die Israeliese regering het gedreig om verdere humanitêre hulp in Gasa te beperk totdat al die liggame van gyselaars aan hulle oorhandig is. Hamas het gesê dit is moeilik om die liggame op te spoor.
Die Israeliese verdedigingsminister het Hamas gewaarsku dat “enige uitstel of vermyding met opset gesien sal word as ‘n oortreding van die skietstilstandbepalings en aksie sal geneem word”.
Bronne: BBC, Euronews, CBS News
