ITALIЁ. – ’n Boeing wat op pad was van Corfu na Düsseldorf moes Saterdag ’n noodlanding by die Brindisi-lughawe in Italië maak ná 40 minute in die lug toe die enjin glo aan die brand geraak het.
Lees ook: Drie mense dood in skietery by restaurant in New York
Die bemanning op die vliegtuig van die Condor-lugredery het besef daar was ’n onderbreking in lugvloei na die regterenjin se turbine op ’n hoogte van 36 000 voet. Passasiers het aan die media gesê hulle het oranje en rooi “vlamme” by die enjin sien uitkom.
Die vliegtuig het ’n noodlanding gemaak, met al 273 passasiers en 8 bemanningslede ongedeerd.
Die vliegtuig ondergaan ’n tegniese inspeksie. ’n Woordvoerder van Condor-lugredery het gesê “daar was geen gevaar” vir passasiers op enige tyd nie en dat hulle nie kan bevestig of daar ’n brand in die enjin was nie.
Bronne: Metro, Daily Mail, PEOPLE
Lees ook: Drie mense dood in skietery by restaurant in New York
