IRAN. – Iran het tydens ’n uitsending op die staatsmedia gewaarsku dit is van plan om so veel as 50 000 Amerikaanse soldate na Washington in “kiste” terug te stuur ná die Amerikaanse president, Donald Trump, met ’n regimeverandering gedreig het.
Lees ook: Iran sê dit gaan met Rusland ‘koördineer’
Die nuusanker het gesê Trump het gekies “om die bloed van jou soldate te stort” en het bygevoeg “die Amerikaanse president het gekies om die kiste van 50 000 Amerikaanse soldate in Washington te laat aflewer”.
Israel het ook vandag nuwe aanvalle op die “hart van Teheran” geloods en het Iranse staatstelevisiegeboue, die Evin-tronk in Teheran en nog ’n tronk in Karaji, die gebou van die ministerie van energie, die Shahid Behashti-universiteit en polisiekantore aangeval.
Israel Katz, die Israeliese verdedigingsminister, het gesê Israel het honderde van Iran se rewolusionêre wagte in die aanval doodgemaak.
Bronne: Mirror, Daily Mail, Daily Record
