OOS-KAAP. – Jaco Pieterse, die hoof van Bergview College, het Vrydag strafregtelike klagtes van crimen injuria teen Fikile Mbalula, die sekretaris-generaal van die ANC, Julius Malema, leier van die EFF en Fundile Gade, LUR vir Onderwys in die Oos-Kaap, aanhangig gemaak.
Kallie Kriel, die uitvoerende hoof van AfriForum, sê Pieterse is deur adv. Gerrie Nel en die AfriForum-privaatvervolgingseenheid by die Sophiatown-polisiekantoor bygestaan. Die klagtes spruit uit bewerings dat die drie persone aanhitsing tot skadelike openbare sentiment en geweld teen Pieterse gepleeg het, nadat hy “valslik” van die verkragting van ’n kind beskuldig is.
“Hierdie kriminele klagtes is slegs die begin. AfriForum het ook sy regspan opdrag gegee om siviele stappe te neem teen Mbalula en ander, insluitend Pumzile van Damme, wat gepoog het om Pieterse se lewe te verwoes met leuens en wat ook AfriForum valslik beswadder het. Mbalula en kie moet betaal, letterlik én figuurlik.”
Lees ook meer hier onder:
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by nuus@nuusflits.com
