GAUTENG. – Martin Jackson het Woensdag uit die Boksburg- korrektiewe sentrum ontsnap.
Singabakho Nxumalo, woordvoerder vir die departement, sê in ‘n verklaring die omstandighede waaronder Jackson ontsnap het, word ondersoek. Korrektiewe Dienste werk saam met ander wetstoepassingsagentskappe om die ontsnapte op te spoor en te arresteer.
Jackson is op 10 April 2015 in Korrektiewe Dienste opgeneem, waar hy ‘n vonnis van 20 jaar vir roof, diefstal en die besit van ‘n vuurwapen en ammunisie uitdien.
Nxumlo waarsku die publiek om waaksaam te wees en versoek enigiemand met inligting oor waar Jackson hom bevind om dit by die polisie of Korrektiewe Dienste aan te meld.
“Lede van die publiek word ook aangeraai om nie die ontsnapte te nader nie, aangesien hy gevaarlik kan wees.”
