HARTSWATER, NOORD-KAAP. – Hennie Becker, ‘n gr.-8 seun, is gistermiddag deur ‘n pofadder voor die motorhuisdeur op sy ouers se plaas op die voet gepik.
Boland Snake Removals 24/7 and Pest Control het die jong seun vinnige beterskap toegewens.
Die dapper pasiënt, wat 120 km van die hospitaal bly, is deur sy ouers na ‘n hospitaal in Kimberley vervoer. Toetse is glo gedoen en teengifmiddel is toegedien.
Volgens die sosialemediaplasing het Becker se liggaam gisteraand skok, wat glo normaal is, ervaar en hy toon vandag beterskap wat swelling en die effek van die gif op sy liggaam betref.
“Vandag is als positief en sy lyf en swelling toon net positiewe nuus. Sterk wees Boeta.”
