NOORDWES. – ‘n Man (39) is Vrydagaand in Wolmaransstad ontvoer, waarna ‘n losprys geëis is. Hy is Sondag veilig gered en vyf verdagtes is gearresteer.
Kapt. Mpho Manyoba sê verskeie nasionale en provinsiale eenhede het gemobiliseer nadat die ontvoering aangemeld en die geld gevra is. Onderhandelinge het die ondersoekspan na Welkom en Virginia in die Vrystaat gelei. Tydens die verdagtes se arrestasie het die polisie op drie selfone, waarvan een aan die slagoffer behoort en ‘n replika-vuurwapen, beslag gelê.
Manyoba sê die verdagtes tussen 29 en 45 jaar oud sal vandag (Maandag) op aanklagte van ontvoering, afpersing, roof met verswarende omstandighede en aanranding met die doel om ernstig te besser in die Wolmaransstad-landdroshof voorkom.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
