KIMBERLEY – ’n Verouderde watertoevoerpyp wat die woonbuurt van Klisserville, Kimberley, van water voorsien lek voort terwyl Sol Plaatje-munisipalteit vir stopkrane wag.
Ockert Fourie, ’n DA-raadslid, sê die lekkasie op die hoek van Carringtonstraat en Dalhamweg is aan die onderkant van die pyp. Die munisipaliteit het stopkrane laat vervaardig. Die water moet gestop word om werkers in staat te stel om met die herstelwerk voort te gaan.
Fourie sê hy is bekommerd oor die verouderde waterpype en daar is ’n moontlikheid dat verhoogde waterdrukking ná herstelwerk meer lekkasies kan veroorsaak.
FiND iT het navrae by die Sol Plaatje-munisipaliteit ingedien.
