WES-KAAP. – Alison Botha (57) se toestand het twee weke gelede so verbeter dat sy van die hospitaal na ‘n private rehabilitasiesentrum oorgeplaas is. Sy het egter ‘n terugslag beleef en is weer in ‘n hospitaal opgeneem.
Volgens ‘n sosialemediaplasing is sy na ‘n onverwagse terugslag per ambulans na ‘n groter openbare hospitaal vervoer waar toerusting is om deur ‘n skandering vas te stel wat fout is.
Alison is volgens die plasing ten spyte van haar werklike toestand en vrees vir die onbekende toegewyd om beter te word.
Sy is in 1994 aangeval en vir dood gelaat, maar het teruggeveg om haar lewe voort te sit. Sy het onlangs weens ‘n brein-aneurisme in ‘n hospitaal beland, waarna sy stadig maar seker gevorder het totdat sy weer kon kommunikeer en na ‘n rehabilitasiefasiliteit oorgeplaas is.
Donasies word steeds vir Alison se mediese kostes gevra. Besoek Alison se Facebook-blad vir meer besonderhede.
Lees meer hier onder:
