Appel, die bekroonde sanger en liedjieskrywer, het sy splinternuwe vyfsnit-kortspeler, Genesis, op alle digitale stroomdienste vrygestel. Twee snitte, Die Boer Hier Binne My en Sterre, is reeds in Augustus bekendgestel en het groot aandag getrek.
Fanie Nel van die Coleske Groep sê die titelsnit, Genesis, verwoord Appel se geloofsreis, terwyl Sterre terugvoer na sy vroeë liefdesverhaal met sy vrou. Die Boer Hier Binne My is geïnspireer deur gesprekke met boere en werkers in die land, met verwysing na Lukas 10:2.
Die fokussnit, Alice, bring ’n 80’s rock-inspirasie en word beskryf as die “swartskaap” van die projek. Die musiekvideo, verfilm deur Eric T Graham en Tehan Buys, neem kykers terug na nostalgiese skooldae. Die kortspeler sluit af met Lemoenkloof, ’n rigtingwyser-lied vir sy kind, geskryf ná ’n besoek aan die Paarl.
Met Genesis bied Appel ’n mengsel van geloof, liefde, inspirasie en nostalgie. Die kortspeler is nou beskikbaar op platforms soos Apple Music, Spotify en Deezer.
Druk hier om na die kortspeler te luister.
Lees ook meer hier onder:
