Die polisie het nege polisiebeamptes wat op die tender-evaluasiekomitee gedien het in verband met die Medicare 24-tenderproses geskors.
Brig. Athlenda Mathe het bevestig dat die betrokke beamptes geskors is terwyl dissiplinêre en verwante ondersoeke afgehandel word. Sy sê die polisie bly verbind tot die hoogste standaarde van integriteit, deursigtigheid en etiese gedrag in al sy bedrywighede.
Mathe sê aangesien die saak deel uitmaak van ‘n voortgaande proses, sal die polisiediens nie verder in dié stadium kommentaar lewer nie.
