VRYSTAAT. – Na ’n vergadering tussen die families van die ontslape konstabels Cebekhulu Linda (24), Boipelo Senoge (24) en Keamogetswe Buys (30), Maqueen Letsoha-Matha, premier van die provinsie, en lt.genl. Baile Motswenyane, die provinsiale polisiekommissaris, is daar besluit om die lede met amptelike begrafnisse te vereer.
Brig. Motantsi Makhele en Matshediso Setai, woordvoerder van die Vrystaatse premier, sê in ‘n gesamentlike verklaring ‘n gedenkdiens sal op Dinsdag 6 Mei in Bloemfontein gehou word. Die gedenkdiens om hulde te betoon aan die ontslape lede vir hulle diens en toewyding sal om 12:00 by Bobbiespark, Hannahstraat 2, Bloemfontein, plaasvind.
Die amptelike begrafnisse vir die drie konstabels sal op afsonderlike datums gehou word. Die spesifieke besonderhede vir elke begrafnis is soos volg:
Konstabel Boipelo Senoge
Datum: Donderdag, 8 Mei 2025
Tyd: 08:00 tot 11:00
Plek: St Peter Anglikaanse Kerk, Rocklands, Mangaung
Begraafplaas: South Park-begraafplaas
Konstabel Cebekhulu Linda
Datum: Vrydag, 9 Mei 2025
Tyd: 08:00 tot 11:00
Plek: (word nog bevestig)
Begraafplaas: Magengenene, Mangaung
Konstabel Keamogetswe Buys
Datum: Saterdag, 10 Mei 2025
Tyd: 08:00 tot 11:00
Plek: (word nog bevestig)
Begraafplaas: Thaba Nchu
Lees meer hier onder:
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
