INTERNASIONAAL. – Die liggaam van Liam Payne (31) is Woensdag deur owerhede in Argentinië aan sy familie oorhandig. Die internasionale popsensasie en voormalige sanger van One Direction het op 16 Oktober in Buenos Aires na sy dood geval.
Sy liggaam is volgens BBC Woensdag oorhandig, waarna dit na die Verenigde Koninkryk vir sy begrafnis gevlieg is. Andrés Madrea het die nuus aan BBC bevestig.
Die polise het verlede week op die Casa Sur-hotel, waar Payne gesterf het, toegeslaan weens beweringe dat personeel glo dwelms aan die sanger verkoop het voordat hy gesterf het. Daar is ook op huise toegeslaan.
‘n Nadoodse ondersoek het bevind Payne het aan bloeding en beserings deur die val veroorsaak, gesterf. Verdere nadoodse ondersoeke is ook gedoen. Die ondersoek na Payne se dood duur voort.
Bronne: The Independent, Daily Mail, BBC
Lees ook meer hier onder:
